Arunachal nung ULFA(I) aser NSCN linkman ka apu

Itanagar, Feb. 13 (Agencies): Deobarnü security sepaitemi Arunachal Pradesh nung ULFA(I) aser NSCN(K) atema inyaktsür ka puogo, ta Hombarnü ketdangsertemi ashi.
Kohima nung amenoka aliba defence PRO Colonel Chiranjeet Konwer-i, DAO Division leniba kübok Jairampur Battalion-i Deobar nikongdang Old Khamdo village nung operation takok ngua agiogo, ta ashi.
ULFA(I) aser NSCN(K) atema inyaktsür Alan Rai ji intelligence osang nung ajemdaker apu. Pa ket nung ULFA(I) aser NSCN(K) indang letter heads tazüng (blank) liasü, ta AR sangdong nung shia lir.
“Asüngdangyadang pai ULFA(I) aser NSCN(K) den tesendaktep aliba nangzük aser tesüiba küm pezü tashi telok anaprong atema Ranapio inyaka liasü,” ta Konwer-isa ashi.