Karachi nung media van amakbaji onoki lir:Taliban

Islamabad, February 13 (Agencies) : Samaa TV indang van ka maka assistant cameraman Taimur asüba lendongji onoki lir, ta shibangtsür aliba Tehreek-e-Taliban Pakistan (TTP) telungpur teloki Hombarnü tenüng agiogo.
TTP otongdar Mohammad Khorasani-i, “Media-i shinga mebendanger aser onoki parnok dang iba tesemi marutsü atema aiben shiogo,” ta ashiba Pakistan osangkatet nung shia lir.
Iba media indang van gari ya Chowrangi, Karachi nung memetetba nisung kari injang agi makha tsüngda police gari ka nung mi naro (cracker) pokloktsüba osang agitsü arua liasü.
“Onok ishika den osang pua yokba oset, DSNG dena bener police gari ka mi naro agi amakba osang yoktsü atema iba tesemi aodang parnoki injang agi akhatsü tenzük,” ta Samaa TV nung director Farhan Malik-i ashi.
Iba lendong matalok tsüngda anogo ishika tejakdang Jamaatul Ahrar nungi razüka aoba TTP telungpurtemi video ka ajanga osangbenertem amokmerenba sayu. Iba video sayaba sülen linük nung osangbener telok balalai parnoki amokmerenba anema ola adoka liasü. Iba den külemi parnoki National Press Club, Islamabad nung rally-a ka ayonga amung.
Iba lendong atalokba sülen Inter-Services Public Relations (ISPR) media kongsangi, assistant cameraman ka asübaji kanga sasar, ta ashi.
Ano ISPR nung Direcot-General Maj. Gen. Asif Ghafoor-ia, “SAMAA media aser Taimoor’er kibong den shisabulu lemsateper,” ta Twitter ajanga lemsatep.