Filmfare Awards East-i Bengali cinema tushitsü

Kolkata, February 13 (Agencies): ‘Jio Filmfare Awards East’ 2017-i yaküm yangluba nüngtugu Bengali film tem nem tetushi agütsütsü.
Bengali film telemsa 25 nungi 27 alibatem nungi, telemsa 10 yaküm January 1 nungi December 31 tashi nung nüngtugu mapatem atema alitsü.
“Bengali film industry nung tanüasüng mapatem atema Filmfare-i tetushi agütsütsü tang mapang tajung lir,” ta Tollywood nung nüngtugu actor Jeet-i osangbenertem dang ashi.
February 25 nü Science City auditorium nung iba sentong amongdang “Praktan”, “Saheb Bibi Golaam” aser “Kuheli” film tem award balala atema tokteptsü. Taküm küm iba sentong nung north-east state tem nungi film tem tetoktepba nung madentsü.