Reliance Jio intang mobile number 6 nungi tenzükba angutsü

New Delhi, February 13 (Agencies): Reliance Jio SIM card amshinür nem züngdangba 6 nungi tenzükba number amshidaktsütsü asoshi Department of Telecommunication (DoT) ajanga temelaba agütsüogo.
DoT ajanga züngdangba 6 nungi tenzükba phone number (MSC code) amshitsü asoshi circle asem küma lemsatsü- Assam, Rajasthan aser Tamil Nadu.
60010-60019 MSC codes- Rajasthan
60020-60029 MSC codes – Assam
60030-60039 MSC codes-Tamil Nadu
Madhya Pradesh aser Gujarat asoshi 7-series MSC code amshitsü, Kolkata aser Maharashtra asoshi 8-series MSC code amshitsü.
Anogoshia Reliance Jio tasen subscribe asür lakh 6 lir aser iba ajanga 83 nung Jio amshir nisung million 50 jungogo.
Taoba mapang, Jio indang network tesem tuluba nung amshitettsü aser tajungba kümdaktsütsü asoshi Reliance Jio ajanga sen crore 30,000 indoka yanglushitsü, ta metetdakja lir aser iba sen densema Reliance Jio-i network nung sen indokba ajak agi crore lakh 1.9 asütsü.