Haryana nung kibur maliba nashitem atema ki yanglutsü

Chandigarh, February 14 (Agencies) : Haryana sorkari Mongulbarnü nashi ayudak (Gau Greh) yanglutsü aser anepalutsü atema village-level committee tem tentettsü telemtetba agiogo.
Iba maparen ya yimtsüng nung Sarpanch menden sür inyaktsü, ta parnoki telemtetba agi.
Panchayats & Rural Development Department otongdar kati ashiba agi, gram panchayat temi nashi ayudak yanglutsü aser anepalutsü atema mapa inyaktsü.
Iba mapa ya Haryana Panchayati Raj Act, 1994 nung Section 21 kübok inyaktsü aser ibaji parnok sasa bushitepa inyaktsü, ta otongdarisa shisem.
Iba luden nung Panchs, Schedule Caste nungi Panchs, numberdar aser yimtsüng nung tongtipang nisungtem züngsemtsü.
Ludenji Block Development & Panchayat Officer aser Panchayat Samiti kübok mapa inyaktsü, ta otongdarisa metetdaktsü.
Kibur maliba nashitem ‘Gau Grehs’ nung ayutsü aser shirurutem anepalutsübaji senchi mesüra tenla aruba ajanga asütsü, ta paisa shisem.