Mizoram Minister mapa nungi anen

Aizawl, February 16 (Agencies): Mizoram Minister for Labour & Employment Lalrinmawia Ralte Kolkata nung taila institution ka nung kaketshir 32 tazüngi yokba ken o nung pa mapa nungi agientsü asoshi akangba teyalong nung, tanü pa State Cabinet nungi anentsü atema sodi meshia züluogo.
Ralte-i iba shidi tanü nikongdang 4:00 ako nung Chief Minister Lal Thanhawla nem agütsüogo. Osang ka ajanga ashiba agi, CM-i pa mapa nungi anentsütsü akok.
Taoba hopta opposition party Mizo National Front nung züngsemtemi Minister aser Mizoram Youth Commission chairman T Sangkung na Mizo nung kaketshir 32 state sorkari Kolkata nung Nalanda Institute ofAdvanced Studies (NIAS) nung tazüngi yokba ken o nung tena mapa nungi agientsü asoshi akhang. Iba sülen maneni Hombarnü külem kaketshir yaritsü asoshi, Aizawl City College Students’ Union-i iba anema longkak aitba sentong ka ayonga among. Students’ Self Support Union lenirtemi Chief Minister aser Home Minister ajurua L&E Minister aser MYC mendenbuba na mapa nungi anendaktsütsü asoshi akhang.