Morocco aser Britain na tsüngda tesendaktep akangshir

Rabat, February 16 (Agencies) : Rabat nung Morocco House of Representatives Speaker, El Habib El Malki aser Morocco nung Britain Ambassador, Karen Betts na senden ka mena linük ana tsüngda tesendaktep asoshi olemtep ka agiogo.
Bodhbarnü senden amenba mapang El Malki aser Betts nati linük ana tsüngda amalitepa inyakba tsütsü tashi tali itshitsü asoshi kanga süoki ia jembi.
El Malki-i, Morocco tanaben African Union (AU)-i aitba agi linük ana tsüngda rongsenkettsüng tsütsü amalitepa inyakba ajanga terenok tali bener arutsü maongka nguteter, kechiba süra Morocco ya Africa market tem asoshi tongtibang sabang ka lir.
El Malki-i linük ana tsüngdang yimsüsübaren tashi itshitsü atema ashidang,
Morocco aser Britain nunger lenirtem tsüngda tebilemba lemsatepa aotsü dena shisem.
Betts-i, Morocco tanaben AU nung adenba asoshi tenüngsang agütsü aser Morocco ji Britain nunger asoshi raliwali tesem tajung ka lir, ta ashi.
Morocca-Britain parliamentary tesendaktep ajungkettsü asoshi linük ana tsüngda tezüngzüktep ka yanglua yuogo, ta sangdong ka ajanga metetdaktsü.