India nung Tata Motors aser Microsoft külemi gari yanglutsü

New Delhi, February 16, 2017 (Agencies): India nung gari yangluba company, Tata Motors aser Microsoft külemi gari yanglutsü asoshi sangdongogo.
Tata Motors-i Microsoft indang Artificial Intelligence (AI), advanced machine learning aser Internet of Thing (IoT) oset balala amshia gari yangluba ajanga gari anir aser gari kümzüka yutettsü.
Iba gari ya mezüng yanglur, 2017 küm March 7 nung, 87buba Geneva International Motor Show nung sayutsü.
Iba gari tasenba nung item ya inoka yanglutsü sentong lir:
1. Gari kibur indang ‘profile’ aser pa aliba tesem amshia pa koleni onür, item tesemtemi aotsü asoshi lenmang sayuba nung teyari agütsütsü.
2. Gari anepalutsü asoshi kibur nem jelia metetdaktsütsü.
3. Firmware Over The Air (AOTA) aser Software Over The Air (SOTA) protocol mashi gari nung nisung teyari medeni ‘settings’ yanglutettsü.
4. Gari lenmang nung jajaba mapang lenmang tia pasasa reprangtsü aser lendong balala nungi kümzüktsü mesüra lenmang majungba ajanga gari raksatsü aliba aser lenmang nokdanga aliba osang, kibur nem metetdaktsütsü. Iba gari ajanga map, tsüngsang-mopung, traffic aser gari anena ayutsü asoshi gari kibur dang tesemtem sayutsü.