Ericsson ajanga 5G asoshi sabang tasen ka tenzüker

New Delhi, February 16 (Agencies): Sweden nung communication technology company, Ericsson ajanga “5G platform” tasen ka Brehostibarnü sayaogo.
Iba sabang tasen nung ‘5G core’, ‘radio’ aser ‘transport portfolios’, ‘digital support system’, ‘transformation services’ aser ‘security’ lir.
“Iba 5G sabang tasen sayaba ajanga network balala nung teyari tasen ka agütsütsü aser nüburtem shishilembaba aser libaliru ajunga nung tekeraba aser tajungba kümdaktsütsü,” ta Ericsson indang Business Unit Network Product nung tekolak, Arun Bansal-i metetdaktsü.
Telecom company temi 5G amshiba ajanga alima nung 2026 küm tashi nung US sen billion 582 alang shishilembaba maongka angutsü asoshi Ericsson-i imlar.
Telecom company tem 2026 küm tashi nung saru shilem 34 agi tali renloktsü.