Taj Mahal wakong sentsü küma odar

New Delhi February 18 (Agencies): National Green Tribunal ajanga Uttar Pradesh sorkar dang senchi meshi. Jana aika arongba ajanga Taj Mahal wakong sentsü küma aoba atema mepishia züluba telangzüba magütsüba atema senchiji achi.
Parnoki state government Urban Development ministry, Agra municipal authority aser District Magistrate dang senchi 20,000 Central Pollution Control Board (CPCB) nem agütsütsü asoshi metetdaktsü.
Iba telemtetba IIT-Kanpur, Georgia Institute of Technology aser University of Wisconsin nungertemi awi aser municipal puri jana aika arungba ajanga mokozü adokba ajanga Taj Mahal nung white marble inoka alibaji wakong sentsü küma aoba metetdaktsüba sülen Social Action for Forest and Environment (SAFE) NGO-i iba ya jungkai adoka metetdaktsü. Iba kuli nung ajemdaker iba telemtetba agi.
NGT mendenbuba Justice Swatanter Kumar-i anir kesa ken o nung telangzüba agütsütsü asoshi ketdangsertem dang metetdaktsü. Parnoki ketdangsertem nem telangzüba agütsütsü asoshi tatempangbuba maongka ka agütsüa liasü.
“Sen 20,000-ji aoer, hopta ana tsüngta nung iba telangzüba agüjang,” ta parnoki metetdaktsü.