AAP tongti, Kejriwal-i Sharmila’er party PRJA nem tenla 50,000 agütsü

Imphal (Manipur), February 19 (Agencies): Manipur Assembly election nung Irom Sharmila’er party, PRJA nüboyim nung amshitsü atema Aam Aadmi Party (AAP)-i party nem tenla sen 50,000 agütsüogo, iba den külemi parnoki nüburtem danga lar party nem tenla agütsütsü aser la pusemtsü mepishi.
Senotsü aser nübo agi anüngba ajanga PRJA-i temelungertemi tenla agütsütsü atema online crowdfunding tenzükogo aser parnoki cycle nung senzüa nüboyimdar.
Delhi Chief Minister aser AAP tongti, Arvind Kejriwal-i twitter ajanga, “Ni la nem tenla tera, sen 50,000 tenlar, aser ajak dang la pusemtsü mepishir,” ta metetdaktsü.
Manipur nung election nüboyimba mapang amshitsü atema online crowdfunding tenzükba mezüngbuba regional party ji PRJA lir.
PRJA osang ajanga ashiba agi, “Ten For a Change” online crowdfunding ji election fund teladak asüba nung nüburtem shilem agidaktsütsü atema lir.
Tang tashi nung PRJA-i crowdfunding ajanga sen lakh 4.5 sarutetogo.