ROBOT Badminton asayamung nung India-i tamakok angu

Ho Chi Minh (Vietnam), February 19 (Agencies) : H S Prannoy aser tarep asayar Manu Attri aser B Sumeeth Reddy nungeri parnok asayabatem nung takok angu, ajisüaka Hokolbarnü ROBOT Badminton Asia Mixed Team Championships asaya nung India-i 2-3 agi Thailand madak tamakok angu.
Syed Modi Grand Prix Gold champion, Pranaav Jerry Chopra aser N Sikki Reddy nati India atema asaya lapok. Tenati minute 50 tashi kanga meranga asaya ajisüaka 25-23 10-21 10-21 agi Savitree Amitrapai aser Dechapol Puavaranukroh na madak tamakok angu.
India nunger 0-1 lia World No.23, Prannoy-i minute 39 nung 21-18 21-15 agi Suppanyu Avihingsanon madak takok ngua team jenjang kasasa aküm.
Tebur tarep asaya nung Rio Olympic nung asayartem Manu aser Sumeeth nati 21-19 21-16 agi Kittinupong Kedren aser Nipitphon Phuangphuapet na madak takok angu. Iba asaya Ho Chi Minh nung aliba Nguyen Du Cultural Sport Club nung minute 34 asayaa liasü.
Iba sülen linük nung champion tasenla, Rituparna Das asayaa liasü, ajisüaka lai kanga meranga asayaka Pornpawee Chochuwong madak tamakok angu.
Lai 21-11 12-21 15-21 agi World No. 40, Pornpawee madak tamakok angu.
Tetsür tarep asayaba nung Ashwini Ponnappa aser Sikki na World No. 10 Jongkolphan Kititharakul aser Rawinda Prajongjai na den asayaa liasü.
Iba asaya nung India tsürtemi mezüng game kanga junga akok saka tanabuba nungi tamakok angu. Tenati 21-15 17-21 7-21 agi iba asaya nung tamakok angu.