Melania Trump-i ‘Kibubai Sayuba Sarasadem’ asü

Florida, February 20, 2017 (Agencies) : Honibarnü Orlando anasa Donald Trump-i campaign-style rally agidang pa kinungtsü U.S. first lady, Melania Trump-i ‘Kibubai Sayuba Sarsadem’ asü.
Melbourne, Fla. anasa sabang nung la kinungbo matudang Melania Trump mezüng atu aser lai ‘asenoki sarasademdi’ ta shir ‘Kibubai Sayuba Sarsadem’ zünga liasü.
Taoba hopta laisa Twitter nung noksa ka sayua la tamangba indang osang metetdaktsü aser iba nung, “Mrs. Abe @BBTSchurch den ozü kibong putitotsü lemsatepba atema kanga pelar, kong @POTUS & ni kibong aküm, kong onoki benjungteper aser sarasademer” ta lai zülu.
“Asenoki ranglokba America ji America nunger ajak atema aser kong America nunger ajaki inyaka takok angutsü atema lir” ta lai sarasademba sülen ashi.
“Yimtenren telemsa liaka, tangatet aser telongjem linük ka yangertsü atema bendanga agütsür. Opposition-i kechi shinür shiang, saka ni kü den aser nenok dena teti ochishia alitsü” ta US First Lady-isa metetdaktsü.
“Ni nenok taginüba ama inyaktsü. Kü temulungjangi meimba atema ni bendanga agüja inyaktsü aser ibaji alima ajunga nung tetsürtem aser tanurtem atema inyaktsü” ta laisa shisem.
“Kü kinungboi lendong maliba aser azükaruba linük ka kümdaktsütsü atema meranger” ta lai ashiba sülen President Donald Trump sabangi jaket.
Iba sentong nung President Trump-i minute 45 shi ka jembi aser iba ya White House-i “a campaign rally for America” ta jaloktsü.