Berlinale nung International nung Aaba film, Jury Award nguogo

Berlin, February 20 (Agencies): Amar Kaushik indang film 67buba Berlin International Film Festival nung Short Film atema ‘Generation Kplus International Jury award’ nguogo. Iba sentong nung India nungi ‘Aaba’ film kija tetokteper rongnung shimoka liasü, ta ketdangsertemi metetdaktsü.
Iba benjongmung Deobar aonung tembanga liasü.
Iba minute 22 film ya ajunga Arunachal Pradesh nung yanglu. Film ya semchir ka aser la tebu na otsü lir. Iba film nung tebu ya tebokpok cancer agi shiranga adoker.
“Iba takok ajanga asenok ajak nema adanger. Berlin International Film Festival nung Short Film tetoktepba nung ‘Aaba’ film takok asoshi Amar Kaushik tenüng asanger. Maneni Raj Kumar Gupta aser Onir nati iba film tajung adokdaktsüba atema tenüng asanger,” ta Producer Guneet Monga-i Deobarnü facebook nung post sütsü.
Film nung Sunku Dani, Randa Dani aser Chuniya Dani nungertemi shilem agia lir. ‘Aaba’ film otsü ya Amar tetsüi züluba otsü lir.
2011 küm ‘One Killed Jessica’ film nung associate director inyak, iba sülen Aaba film direct asüba ya pa asoshi mezüng film asütsü.