N.Korea ambassador-i Kim Jong-nam jangjatsü memulung

Kuala Lumpur, February 20 (Agenies) : Hombarnü Malaysia nung North Korea ambassador-i, Kuala Lumpur nung taoba hopta tepseta südaktsüsang aser Pyoangyang lenir Kim Jong-un tedi tambusang, Kim Jong-nam reprangdanga jangjatsütsü memulung.
North Korea embassy kima jembiba mapang, Ambassador Kang Chol-i, Malaysia sorkar nem agütsüba official document nung tasüsang tenüng ‘Kim Chol’ ta passport nung aliba ang onoki meteta lir, saka iba dak alaka tanga tenüng onoki memetet, ta ashiba osangbenertemi ashi.
Anepdang Malaysia Foreign Ministry-i Kang Chol jaokba sülen North Korea embassy-i osangbenertem senden ka jazüka amen.
Foreign Ministry-i ashiba agi Kim asübaji Malaysia ozüng nung mela aliba ama bushisüngdanger.
Arishi küm 45 tain, Kim Jong-nam ya February 13, 2017 nü Kuala Lumpur International Airport nung lia tetsür anati pa jak nung miim shilokja südaktsü. Pa Macau-i aotsü liasü.
Malaysia Deputy Prime Minister Ahmad Zahid Hamidi-i, North Korea nunger tasüsangji Kim Jong-nam lir, ta osang tejangja metetdaktsüogo.