Philippines : Bus lendong nung kaketshir 14 asü

Manila, February 20 (Agencies) : Hombarnü Philippines kübok Rizal province nung bus gari ka tsükokdang tajemba agi kaketshir 14 asü, ta police-i ashi.
Iba bus nung kaketshir nisung 50 mener research field trip aoba mapang lenmang tezülen light indong ka nung oa atsük.
Disaster Risk Reduction & Management Office nung administrative officer, Bong Bati-i, kaketshir nisung 10 lendong mapang asü aser nisung pezü mozükidang oa asü, ta ashiba osangbenertemi metetdaktsü.
Police aser army ketdangsertemi lendong atalokba tesem nung oa teyari balala agütsü.
Ketdangsertemi ashiba agi, iba bus gari atdang kati aluba mapang brake fail asüba sülen gari anisangi gariji mazüoktetba agi anendaktsütsü mechi indong nungji oa atsük.