ASA Golden Jubilee tournament February 28 nungi tenzüktsü

Kohima, February 20 (TYO): Angami Sports Association (ASA) Golden Jubilee tournament February 28 nungi tenzüka March 4 tashi Kohima Local Ground aser Indoor Stadium, Kohima nung akatsü, anungji iba tournament takok asoshi unit ajak, saisapongertem aser tournament ketdangsertem renema lidaktsüner, ta tanü ASA general secretary, Er. Zale Neikha-i sangdong ka ajanga metetdaktsü.
Iba den külemi Angami yimtsüng ajak dang village youth mesüra Association flag den yim shia 2000 Feb. 25 nü tashi nung peipei units ajanga agütsütsüla, ta kasa sangdong ajangasa metetdakstsü.