28 buba NTA asayamong tanü nungi tenzüker

Kohima, August 13 (TYO): Asüng, Hokolbar nü nungi tenzüka 28 buba Nagaland State Taekwondo (NTA) Championship Kohima kübok Indira Gandhi Stadium nung asayatsü asoshi terenemshiba agia lir.
Nagaland Taekwondo Association (NTA)-i ayongba NTA asayamong ya tan August ita 15 nü tembangtsü.
Tebur aser tetsür shilem indang sub-junior, junior aser senior densema shilem balala lemsar asayatsü ayongba asayamong nung Nagaland nung densemba district balala nungi asayar 200 dak temai shilem agitsü renema lir.
28 buba NTA asayamong asoshi terenemshiba agia, NTA nung tongti ketdangsertemi tan Bodbar nü nungi tenzüka anogo 2 asoshi referee clinic sentong ka agia liasü.