2017 IPL auction: England nunger Ben Stokes sen crore 14.5 agi auction asü

New Delhi, February 20 (Agencies) : 2017 IPL asayamung asoshi tanü Hombarnü Bangalore nung auction sentong agidang bendanger asayartem, fast bowlers aser allrounders atema mamangtsüka sen aii tsüktepba liasü. Tanü auction nung sen aii agi auction asüba asayartemji Ben Stokes, Tymal Mills, Kagiso Rabada, Trent Boult aser Pat Cummins nunger liasü.
England nungi allrounder Ben Stokes Rising Pune Supergiants (RPS) teloki sen crore 14.5 agi alizük. Iba jenjang ya pa atema atakteta yutsü jenjang tang nungi tenetsü agi tali lir. IPL otsü nung bendanger asayar ka sen tasaktiba agi alizükbaji pa asütsü. 2015 küm Royal Challengers Bangalore-i Yuvraj Singh sen crore 16 agi alizüka liasü.
Hombarnü auction nung, sen timtiba agi auction asür tanabuba asayarji England nungisa Tymal Mills liasü. Pa Royal Challengers Bangalore (RBC)-i sen crore 12 agi alizük. Ibai pa atema mezüngbuba auction liasü aser pa atema sen lakh 50 atakteta yutsür liasü. IPL nung bowler rongnung sen timtiba agi auction asübaji pa kümogo.
South Africa nungi fast bowler, Kagiso Rabada tan mezüngsüa IPL auction nung aden aser pa tasembuba süa sen crore 5 agi auction süogo. Pa Delhi Daredevils teloki alizük aser pai Mohammed Shami aser Zaheer Khan na den ball aonba nung yariteptsü.
Trent Boult-a Kolkata Knight Riders (KKR) teloki sen crore 5 agi alizükogo. Iba telok nung bendanger fast bowler ka kanga nüngdaka liasü. Tawa South Africa den T20I asayaba mapang Boult-i over pezü ball aonba nung runs 8 agütsü saka wicket bo ana tashi agi. Ibaji New Zealand nunger bowler kati tajungtiba bowl sütetba liasü.
KKR telok nungi asaya alisang Pat Cummins-a Delhi Daredevils teloki sen crore 4.5 agi aliogo. Rabada den yaritepa pa adenba ajanga par telok bowling nung kanga tashi ita akümtsü. Cummins atema sen crore 2 atakteta yuja liasü.