Küm 3 tsüngda Raje-i ochimashi jenti inyakogo : Congress

Jaipur, February 21 (Agencies) : Rajasthan Assembly nung Opposition lennir, Rameshwar Dudi-i tanü Vasundhra Raje’er sorkar aija jembidang, iba sorkari kanga mejungi ketdangsübaren mapa inyakogo ta ashi.
“Tesüiba küm asem tsüngda BJP sorkari ochimashi mapa aika inyakogo. Mining sector, Public Health Engineering Department aser National Rural Health Mission nung ochimashi ken o aika adok, saka sorkari item ken o bushisüngdang asütsü mebilemer” ta Dudi-i aitsü.
Sorkari aluyimertem, lanurtem aser shishilembartem teimla samatsüogo aser February 23 nungi tenzükba assembly Budget Session nung parnoki item ken o benoktsü, ta paisa metetdaktsü.
“Rülung ajanga takoksa ajuruba aluyimertem nem teyari magütsüba, crop insurance magütsüba aser school 17,000 shibangtsüba onüktem onok benoktsü” ta Congress lennir Dudi-isa osangbener dang ashi.
BJP-i sorkari election mapang nangzükba ama mapa meinyak. Parnoki tenangzükba 611 agiba nungi shilem 25 dang inyak, ta paisa ashi.