Abhijit Sarkar Asian hockey Vice Chairman shimogo

New Delhi, February 21 (Agencies) : Mongulbarnü Asian Hockey Federation (AHF)-i Abhijit Sarkar Vice Chairman asütsü shimogo aser ano iba den külemi AHF Commercial aser TV Committee nunga Chairman kümdaktsüogo.
February 07, 2017 nü Executive Board senden ka amendang iba telemtetba agia liasü.
“Asian Hockey Federation nung kü nem iba menden agütsüba asoshi kanga pelar. Ni iba mapa nung amdaker inyakyonga aodang ni hockey asayaba linüktem nungita takok tajung ngudaktsütsü merangba ajanga hockey asaya nung ayak ketdaktsütsü,” ta Abhijit-i sangdong ka ajanga ashi.
Abhijit ya 2004 küm nungi Sahara India Pariwar den sendaktepa liasü. Pai iba telok anidang linük nung cricket aser hockey asayatem atema senotsü teyari agüja item asaya ajungkettsü.
Sahara India Pariwar nung pa Head of Corporate Communications, Corporate Affairs & Relations, aser Sports Division mapatem inyaka liasü.