Tetsür World Cup qualifier final:India-i wicket ka agi South Africa akok

Colombo, February 21 (Agencies) : Tetsürtem World Cup Qualifier final asaya nung India team nungi allrounder Harmanpreet Kaur-i tesülen kanga junga asayaba ajanga, India team-i wicket ka agi South Africa madak takok angu.
Iba asaya Mongulbarnü P. Sara Oval nung asaya aser shir teloki akoktsüar meshitetka kanga jangratema asayatet.
South Africa team-i runs 244 yanglua yutsüba meneptsü meranga asayaba mapang India tsür opener Mona Meshram-i runs 59 yanglu aser Deepti Sharma-i runs 71 yanglu. Tena batting asüba mapang tena senteper runs 124 yanglutet.
Asaya tatemlen Harmanpreet-i runs 41 (not out) yangluba ajanga India-i makoktsü amai bilema aliba takok angu.
Iba asaya nung Meshram-i runs 82 yanglu, aser item runs rongnung lai four runs 7 aser six runs ka ta azük. Deepti-i ball 89 nung four runs 8 züka runs 71 yanglu. Ano Deepti tuguba sülen aitla, Veda Krishnamurthy-i ball 27 nung four runs 3 züka runs 31 yanglua yutsü.
India team-i akoktsü asoshi over trok nung runs 36 nüngdaka lia South Africa tsür fast bowler, Ayabonga Khaka-i India tsür wicket ana karakara agiba ajanga India 237/9 aküm.
Aji oda süaka tan mongpu nung Australia nung oa Big Bash League (BBL) asayala, Harmanpreet-i, lai ajangshia aruba aser angazüka aliba tasa ajak amshia iba koda masü tensa nungi India team ball tesüsaba nung takok dangi ani.
Asaya metenzükdang South Africa-i toss koka mezüng bat asütsü lemtet. Parnok bat asüba mapang Mignon du Preez (40), Lizelle Lee (37), captain Dane Van Niekerk (37) aser Sune Luus (35) nungeri 49.4 overs nung runs 244 yanglua yutsü.
India team bowling asüba mapang spinner Rajeshwari Gayakwad-i runs 51 agütsü aser wicket asem agi. Medium pacer Shikha Pandey runs 41 agütsü aser wicket 2 agi. Ano Ekta Bisht, Poonam Yadav aser Deepti nungeria wicket kaka agi.
Tanü asaya nung runs aser wicket angubatem tatsü agi yamai agütsür:
South Africa 244 (Mignon du Preez 40, Lizelle Lee 37, Dane Van Niekerk 37, Rajeshwari Gayakwad 3/51, Shikha Pandey 2/41)
India 245/9 (Deepti Sharma 71, Mona Meshram 59, Harmanpreet Kaur 41 not out, Marizzane Kapp 2/36).