Kohima Press Club-i mangyimer

Kohima, Feb. 23 (TYO): Taoba mapang KPC Senyur, Rüülhoutuonuo Theünuo tebu, Malhe Theünuo asüba osang angashia Kohima Press Club (KPC) züngsemtem aoksar aser jashir, ta tanü KPC General Secy., Alice Yhoshü-i sangdong ka ajanga metetdaktsü.
Malhe Kolkata nung aliba nija hospital ka nung mapang tatsüka shiranga anepaluba sülen Feb. 22 nü asü. Pa arishi küm 74 liasü, aser pai kinungtsü den tanur 7 aser semchir 5 toktsür alima nungi pilaogo.
Asür, Malhe ya ochishir, aser mapa nung temerang ka liasü, iba den külemi par chirnurtem atema dang masü saka Club züngsemtem atema-a temeim aketba tebu ka liasü, ta KPC züngsemtemi bilemteter, ta kasa sangdong nung shia lir.
Temeim aketba tebu ka asüba atema KPC-i mangyimer kibong den külemi mang ayimer aser mangyimba kibong atema sarasademtsür, ta kasa sangdong ajanga lemsatep.