Mr & Mrs Smith film yanglushitsü ta asübaji tiyazü: Deepika

Mumbai, February 24 (Agencies): Bollywood actress Deepika Padukone-i, Brehostibarnü Hollywood movie Mr & Mrs Smith yanglushiba nung la shilem agitsüba indang osangji tiyazü, ta langzüogo.
“Ni film ten nung shilem indang olulu aika adokogo. Kü nem film nung shilem agitsü asoshi maongka agütsüdang ni iba indang jembitsü mesüra kodanga mejembitsü. Ni tang Padmavati film nung dang shilem agidar, aser kodang tanga mapa indang jembitsü adokdir idangji jembitsü,” ta Deepika-i Gillette Venus Breeze amenokba sentong nung ashi.
“Film nung shilem agi yonga aser magi yonga jembishinü yimya ka lir. Kü mapa atema osang tiyazü agütsübaji yimya tajungbo masü,” ta Bajirao Mastani nung actor-i ashi.
Hollywood film ‘xXx: The Return of Xander Cage’ nung shilem agiba sülen Deepika Academy Awards, ‘red carpet’ nung jajatsü akok ta osang kar liasü. Iba keno nung lai yamai telangzüba agütsü, “Ibaji kanga dang tasüngdangba tajung ka lir, saka ni ‘red carpet’ nung mejajatsü.”
Padmavati film Sanjay Leela Bhansali-i anir yanglutsü aser iba nung Ranveer Singh aser Shahid Kapoor nata tongti shilem agitsü.