Kohima Sadar kübok 2016-17 küm atema House Tax sangdong

Kohima, February 25 (TYO): SDO (Sadar) Kohima, Kethosituo Sekhose-i Kohima Sadar Administrative Sub-division (KMC areas/Kohima Village/Chedema Village/Chedema Model Village) kübok Gaon Buras ajak dang March 10, 2017 nü tashi nung 2016-17 küm atema Annual House Tax SDO (Sadar) mesüra EAC (Sadar), Kohima nem agutsütsüla, ta sangdong ka ajanga metetdaktsü.
House Tax ji GBs-i sarutsüla aser Village Council Chairman/Ward Chairman ajanga yimtsüng/ward ajak atema agutsütsüla, ta paisa metetdaktsü.
Iba anogo tashi nung House Tax magutsüra House Tax Commission aser Red Blankets nung aibelenba atema aibelener GBs nem temerenshi agutsütsü, ta sangdong nungsa shia lir.