Vijay Hazare Trophy:Mumbai-i Gujarat madak takok angu

Chennai, February 25 (Agencies) : Honibarnü Chennai nung Vijay Hazare Trophy asayamung nung Mumbai telok nungi Aditya Tare aser Siddhesh Lad nati half century azükba den bowler temia ball kanga junga aonba ajanga Group C asaya nung Mumbai-i runs 98 agi tesüiba mapang champion Gujarat team madak takok angu.
Mumbai mezüng bat asüdang parnoki over 50 nung runs 273/9 yanglu. Tare-i ball 81 nung runs 83 azük. Pai four runs 13 tashi azük.
Lad-i ball 60 nung runs 64 yanglu, Pai four ana aser six pungu tashi azük.
Asaya tom ka nung Mumbai 85/4 liasü saka tena senteper runs 117 yangluba ajanga parnok jenjang kanga junga aküm.
Gujarat telok nungi fast bowler Chirag Parmar-i Tare aser Lad na partnership raksatsü. Pai over 38buba nung Tare out sütsü aser iba sülen ano over ka lir külen Lad-a tugudaktsü.
Shardul Thakur aser Abhishek Nayar nata kanga kara out asüba ajanga Mumbai telok lendongbangi ai.
Ajisüaka Aditya Dhumal-i 32 (not out) azükba ajanga Mumbai tera shia arudaktsü.
Gujarat nungi Parmar-i over 10 aonba nung runs 42 agütsü aser wicket pezü agi. Ano Bumrah aser Rohit Dahiya natia wicket anana agi.
Gujarat nungi opener tem, Priyank Panchal aser Parthiv Patel nati Gujarat atema kanga junga tenzüka asaya, ajisüaka Mumbai pacer Shivam Malhotra-i over trok buba nung wicket ana tashi agi.
Iba sülen Panchal aser Manprit Juneja nati parnok inning jenjang junga kümdaktsütsü merang, ajisüaka Mumbai bowler temi parnok nem runs kanga ajema agütsü aser kobi melii tena out süatok.