YouTube nung Samsung India Customer Service repranger million 100 jungogo

New Delhi, February 26 (Agencies): Samsung India ajanga parnok indang oset balala amshirtem nem kishizüng tonga ‘costumer service’ agütsütsü nükjidong nung iba video YouTube nung inoktsür hopta tenet tsüngda iba video repranger million 100 jungogo.
2017 küm February 20 tashi nung alima ajunga nung ‘Consumer Electronics’ aser ‘Smartphone’ indang telemsa nung video advertise asüba rongnung #SamsungService repranger timba kümogo aser India nung YouTube ajanga advertise asüba video telemsa ajunga nungi iba #SamsungService repranger timtiba kümogo.
“Alima ajunga nungi iba ama telangzüba anguba ajanga onok kanga pelar. Sentong tasenba ajanga Samsung indang ‘consumer service’ jenjang temaba nung kishizüng tashi bener arua India nung aliba nüburtem nem agütsür. India nung iba video ya YouTube ajanga repranger million 100 jungogo aser iba ajanga costumer temi Samsung dak temolung alemba sayur,” ta Samsung India nung Chief Marketing Officer, Ranjivjit Singh-i ashi.