78th CRPF-i Civic Action sentong ayonga agi

Dimapur, February 28 (TYO) : Mongulbarnü 78th battalion CRPF-i Civic Action inyakyim kübok Sechu-Zubza village council atema metsümeshidak tesem yanglushitsüogo.
Civic Action sentong ka akaba mapang sentong nung tongti tesemdanger, 78th battalion CRPF nung 2nd in command, Anil Kumar-i, mepishiba ama battalion-i Sechu-Zubza community hall nung metsü meshidak tesem pezü tashi yanglushitsüogo aser Sechu-Zubza village council chairman aser yimtaklirtemi item metsü meshidak tesem anepalua amshitsü shiogo, ta ashi.
Pai, Sechu zubza aser kidanger yimtemi CRPF nungita, tesendaktep tajung yur amalitepa aruba asoshi kanga pelar, ta shisem.
Sechu-Zubza Village Council Chairman, Mhasikhotuo Zhiinyii-i, 78th Bn CRPF-i Civic Action sentong ajanga yimtsü yariba asoshi pelar aser tarutsü nunga ano maneni yaritsü amanga atar, ta ashi.
Iba sentong nung A/C 78 Bn CRPF nungi Dzuvishul Richa menden asü aser battalion nung Deputy Commandant, Kuldeep Singh den yimtaklirtema sentong nung arua aden.