Mapang nung aser mapang masodanga Yisu taochi agüjang

“….mapang nung aser mapang masü danga jangra-ang” (II Tim. 4:2)

Khen mapang ka tetsür chanu ka tepokpok tashidak agi kangshia mozü kidang monga liasü. Aonung shia la tashidak jagi junga amua moi la yipden nung pelepzüa shirang atu. La tashidakji aneptsü asü masu lai mejangjai dang liasü. Saka la tamang ka liasu aser aji Kibuba la den aliba lai metet. Tetsüji la jala kangshibaji ngua tajeb dang ajeber. lba ama aliba mapang ana tetsür chanu ka cancer agi shiranger, shiba mamanger ka liasü, la anasa mejangdaktsü. Anogo ishika tsüngda dena medemer aküm. Kenü lai cancer agi shirangla dangji “nibo asütsü metsübur” ta ashidang lar medemer kanga aoksa. Lai asüngdang, “kechiba nai metsübur?” Lai langzü, “Kibuba Yisu kü den teti lir.” “nai pa agizükra naia kodanga metsübutsü” lai maneni ashi. Idangji lar medemer-i Yisü agizuk. Lar medemer cancer agi shiranga asü saka lai Yisu ajurudaktsü.
Mapang ajak nung Yisu taochi tangar nem agütsütsü Tsüngremi tamanger sha nungi akanger. Shirangdanga Yisu indang küli agütsütetra anema alidang asenoki Yisu taochi nüngdakbapurtem dang agütsüdar ama? Arung, maneni asenoki iba tetsür chanu amajentipur iba taochi nungdaka lir, pamok nem agütsüdi.
Kibuba, mapang ajak nung Nü taochi indang Küli asutsü yariangma. Amen.