Meghalaya Budget nung plan aser non-plan ka küma yanglutsü

Shillong, March 01 (Agencies): “2017-18 asoshi Meghalaya Budget nung ‘Plan’ aser ‘Non-Plan’ endokbatem ka küma yanglutsü asoshi Mongulbarnü Cabinet senden nung agizükogo,” ta Chief Minister aser Finance Minister, Mukul Sangma-i Bodbarnü metetdaktsü.
Meghalaya nung Budget Session ya March 3 nungi tenzüka amentsü sentong lir.
Union Budget nunga ‘Plan’ aser ‘Non-Plan’ nung indokba tem ka küma yanglu aser ‘General’ aser ‘Railway Budget’-a ka küma yanglu.
Terenlok asoshi mapa balala inyakba mapang indokba sen ya ‘Plan expenditure’-i yoker aser sorkar mapa nung inyaker nem itasen agütsüba, sorkar office nung indokba, subsidy, loan aser sen apua aliba tetemlok menokba tem ya ‘Non-Plan expenditure’ nung atener.
“Budget nung sentong tasenba ya inyaktsü asoshi Planning aser Finance Department nem nungloktsüogo,” ta Sangma-isa ashi.