Dimapur Police-i rakzükraktemertem apu

Dimapur, March 04 (TYO): February 27, 2017 nü Dimapur Police Zone-II kübok AET-i NSCN (IM) tenüng amer ozüng alema saru saruba atema puogo, pua alisangji Zunheboto kübok Chishilimi yim nungi asür, Yehevi Yepthomi’er jabaso, Khaka Yepthomi lir ta jangjaogo, aser iba atema West Police Station-i bushisüngdangdar, ta tanü Addl. Dy Commissioner of Police/PRO, Dimapur, Nagaland-i sangdong ka ajanga metetdaktsü.
Ano March 03, 2017 nüa Dimapur Police Zone-I kübok AET-i nisung anati Dimapur, Purana Bazaar tesem nung shishilembartem dang nungi rakzükraktema lia puogo.
Tang pua aliba nisung anaji Zunheboto district kübok Asukhomi yim nungi asür, Hukavi Yepthomi’er jabaso aser NNC(NA) nung 2nd Luiet, Angukavi Yepthomi aser Zunheboto district kübok Yehemi yim nungi Ngukhavi Sema’er jabaso, Tovika Sema na lir ta jangjaogo; Iba dak alia NNC(NA) indang demand slips puogo, aser iba ken o East Police Station nung bushisüngdangdar, ta kasa sangdong nungsa shia lir.