Africa nung yangluba film tem wazüka ayutsü

Los Angeles, March 5 (Agences): Martin Scorsese-i ngutetba Film Foundation koba ajanga film tem yanglushia wazüka ayur, parnoki Africa continent nung yangluba film tem bushia, wazüka ayutsü asoshi Pan African Federation of Filmmakers (FEPACI) aser Unesco den lomgjemogo.
African Film Heritage Project ta nüngja agütsür, iba telok ajanga Africa nunger otsü aser sobaliba dak sendakba tongtibang film 50 bushia yanglushir wazüka ayutsü, ta osang ka ajanga metetdaktsü.
Iba ya World Cinema Project atema Film Foundation-i asoshi tawa shimba ‘film genre’ lir.
Osang ka ajanga ashiba agi, Cineteca di Bologna aser Unesco den longjemer parnoki FEPACI tetuyuba nung ajemdaker African continent ajunga nungi film 50 asadangtsü aser bushiteta wazüka ayutsü. FEPACI advisory board nung African continent ajunga nungi film yanglurtem, kaket shisatsü bushiba nung mongintem aser yamala tongtibang oset bendenertem densema lir.
Film tajungtibatem bushia asadangba African cinémathèques aser alima ajunga nung ‘film archive’ tem nung agitsü.
“Alima ajunga nung film tem aika yanglushia wazüka ayutsü nügdaka lir. Onoki samaoya aliba film tem wazüka ayutsü asoshi ‘World Cinema Project’ tenzük. Küm 10 tsüngda nung onoki Egypt, India, Cuba, Philippines, Brazil, Armenia, Turkey, Senegal aser linük aika nung film aika raksa oya aliba yanglushia wazüka yuogo. Iba mapa tenyakdak nung onoki Africa nung film tem tongtibangsa Africa nung tarutsü film reprangtsüpur atema wazüka ayutsü asoshi jungdak nüngdak lir ta aangateta iba mapa tenzük,” ta Scorsese-i ashi.