9 AR-i NSCN (IM) züngsem 4 apu

Dimapur, March 05 (TYO): March 02, 2017 nü HQ IGAR(North) kübok 9 Assam Rifles-i National Highway 39 nung Khuzama Junction nung saru saruba dak sentakba nung NSCN (IM) züngsem pezü puogo, ta tanü AR sangdong ka ajanga metetdaktsü.
Pua alirtemji Punanamai yim nungi arishi küm 29, Asakha Kayni, Punanamai yim nungi Makavo (42), Punanamai yim nungi Ohehe (40) aser Kayina yim nungi Lokho (35) nunger lir ta jangjaogo.
Parnok ket nungi Cash Receipts 30, mobiles phone 4, sen 8,730 aser Dimapur Bus Owners Association nungi Receipt copy 68 apu; Maneni bushisüngdangtsü atema parnok ajak den apuba osettemji police ket nung agutsüogo, ta kasa sangdong nungsa shia lir.