28 AR-i sen merirjang 90 jenjang yi aser mozü apu

Dimapur, March 05 (TYO): March 04, 2017 nü 28 Assam Rifles sepaitem aser 164 TA NAGA sepaitem senteper mitdang TATA Sumo gari Regd No NL 02 T 1406 nung sen aika jenjang Indian Made Foreign Liquor (IMFL) aser ozüngi memelaba mozü miima aliba puogo.
Indian Made Foreign Liquor (IMFL) yi pongdang 438 aser SP mozü süngjang 1457 apu, aser ibaji Wokha nung alir aser gari kibur arishi küm 28, Rolumo meyong liasü.
Yi aser mozüji sen merirjang 90-95 shi jenjang asutsü, ta parnoki ashi.
Rolumo den yi aser mozüji March 4 nü Wokha Police Station ket nung agutsüogo aser kasa police station nung ken o ka benokogo.