Bengaluru FC-i asaya tenet mokoki arur tan mezüng asaya ka kokogo

Ludhiana, March 05 (Agencies) : Bengaluru FC-i tan I-League asayamung nung asaya tenet tashi nung tamakok ngur aliba Deobarnü Guru Nanak Stadium, Ludhiana nung Minerva Punjab FC den asayadang 1-0 agi koka tan mezüng asaya ka nung takok nguogo.
Iba asaya nung Bengaluru FC nungi Lenny Rodrigues-i asaya tenzüker minute 17buba nung goal kaji yok. Bengaluru FC tang tashi nung asaya 11 asaya aruba mapang point 16 nguteta jenjang pezü buba tongtetogo.
Minerva Punjab FC telok yabo asaya trok tashi khena makok melii asaya aruba tan tamakok angu.
Iba asaya nung Minerva nungi asayar trok melener ait. Serbia nunger, striker Marjan Jugovic tan mezüngsüa asaya nung shilem agidakja liasü.
Asaya mezüng tesadangji kanga tereprangnütsükabo masü asü. Oda goal ka yokba dakji alaka kanga janratema reprangtsüsa masayateti tembang. Iba goal ji Cameron Watson-i free kick metsüba Lenny-i tekolak agi tongoktsüba keeper Arnab Das Sharma-i mapeter yok.