Sen lakh 4.3 jenjang Renault Kwid Climber sayaogo

March 09, 2017 : Gari yangluba company, Renault ajanga sen lakh 4.3 (ex-showroom, Delhi) jenjang gari tasen ‘Kwid Climber’ sayaogo.
Renault India indang ‘hatchback’ aketba Kwid gari ya nüburtemi kanga sabua aküm aser iba ajanga Renault indang gari ya tabu tasen yanglua maneni adoker. Iba company ajanga mezüngbuba nung 1.0-litre engine aketba Kwid SCe yanglu aser iba sülen AMT transmission aketba Kwid Easy-R yanglu.
Kwid gari ya nüburtemi tali sapuba ya talisa SUV mesüka yangluba ajanga lir. 2016 Delhi Auto Expo nunga SUV mesüka yangluba Kwid garitem sayua liasü.
“Renault Kwid ya India nung kanga takokba nung yangluteta amshidaki aser iba gari ajanga ‘hatchback’ indang garitem rongnung temelenshi tasen bener arutsüogo. Nüburtemi aginüba ama Renault Kwid Climber ya yanglua lir,” ta Renault India Operation indang CEO aser Managing Director, Sumit Sawhney-i ashi.
Kwid Climber ya ‘Electric Blue’, ‘Outback Bronze’ aser ‘Planet Grey’ sentsü nung angutsü.
Iba gari ya 1.0-litre petrol engine lir aser iba gari alitsü asoshi jelia makaa ayutsü akoktsü.