Dual-camera aser Snapdragon 835 aketba Nokia phone, July nung sayatsü akok

March 9, 2017 : Nokia phone ya mapang ka nungbo phone shishilembaba nung tajungtiba rongnung ka liasü.
Tawa Barcelona, Mobile World Congress (MWC) nung Nokia 6, Nokia 5, Nokia 3 aser Nokia 3310 sayatsü asoshi sangdonga liasü.
Tawa osang ka angazükba agi, Nokia-i Qualcomm Snapdragon 835 SoC keta yangluba smartphone ka June ita tashi nungbo sayatsü. Iba phone tasazük balala ana nung adoktsü.
Osang ajanga ashiba agi, iba smartphone ya metal body asütsü. Maneni ia phone nung Snapdragon 835 processor densema display tasazük ana nung shishilembadak sayatsü.
Iba phone tapu ana ya 4GB mesüra 6GB keta yangluba phone asütsü imlar.
Olulu ajanga ashiba agi, iba phone nung dual-camera keta alitsü akok saka ‘Carl Zeiss’ mesüra ‘PureView’ setup yimya nung masütsü. Primary camera ji 23-megapixel asütsü, saka ‘dual-lens’ asütsü asü masütsür mejangja.
Iba phone jenjang yuan 4000 tashi agi ayoktsü akok, koba India nunger sen agi meyipzükra sen 38,600 shi asütsü.