FIFA Ranking nung India nunger jenjang ana agi tajemba kümogo

New Delhi, March 09 (Agencies): Brehostibarnü FIFA ajanga sangdongba nung India ya jenjang ana agi tajemba küma No. 132 nung lir. Guyana telok jenjang pungu aser Niger telok jenjang asem agi temaleni atuba ajanga India ya jenjang ana tashi tsünglangleni alutsüsa aküm.
February ita nung FIFA ajanga sangdongba nung Stephen Constantine-i aniba telok ya No. 130 nung liasü.
Telok 46 indang Asian Football Confederation nung India ya jenjang 19 buba nung lir.
FIFA ranking nung Argentina ya temaba jenjang nung lir saka England bo jenjang 14-i aluogo.
Germany jenjang asem buba, Chile jenjang pezü buba aser Belgium jenjang pungu buba nung lir.
Portugal jenjang 8 buba nung lir aser France jenjang 6 buba nung lir.