Kohima nung office-tem rongdokba indang jembi

Kohima, March 09 (TYO) : Taoba ita February 2, 2017 aonung Kohima nung office ki kar rongdokba tensa tia indang jembiteptsü asoshi yashi Bodbar nü Kohima nung Chief Secretary, Pankaj Kumari takoksa ajurur department aser teloktem jaoka jembiogo.
Joko tekaratiba nung nübortem asoshi office mapa tenzüka aotsü atema Finance department ajanga senotsü terara agütsütsü lemtetogo ta Chief secretary-i metetdaktsü.
Iba mi lendong nung office rongdoka alirtemi ashiba agi, office karbo pei directorate ki bushia aotsü reprangtepdagi aser kabo khen atema tangar para kidang jenoka alitsü asoshi inyaktepdagi ta metetdaktsü.
Item mapa nung yariteptsü asoshi State Urban Department, Planning Department aser tanga sendaktepa aliba department-temi office karbo Capital Convention Centre nunga belenoktsü asoshi jembitsü ta paisa metetdaktsü.
Tang office tanga tesem nung mesemteter mapa tenzüka inyakertemji Kohima Municipal Council, Nagaland State Legal Service Authority (NSLSA) Kohima, Assistant General Manager aser Nagaland State Transport Kohima nungertem lir.