Delhi sorkari lendong nung yirurtem angati anepalutsü

New Delhi, March 10 (Agencies): Hokolbarnü Delhi Health Minister, Satyendar Jain-i, linük yimtiba nung lendong nung yirurtem state sorkari angati anepalutsü, ta metetdaktsü.
“Delhi nung ajungben lendong atalokra, aser item lendong nung yirurtemji nija hospital densema hospital-i anir ora Delhi sorkari temang anepalua yaridang intokba sen ajakji agütsütsü. Yirua alisang jagi kecha agutsütsü menüngdak,” ta Jain-i metetdaktsü.
Delhi sorkar indang Prakash Narayan Hospital nung ventilator machines tasen lapoktsüba sentong nung jembidang pai iba osang ya metetdaktsü.
Delhi sorkar hospital tem jenjang tajungba akumtsü atema hospiltal aika nung ventilator machines tasen 125 tashi agütsüogo.
Ventilator machine ya tangu sahitsü aser tepokpok nungi tangu adokdaktsütsü atema yangluba gol ka lir, aser iba ya talisa tangu magiteter mesüra tangu agiba nung timtem ajangshir shirangertem nem teyari agutsüba indang gol ka lir.
Jain-isa, Aam Aadmi Party sorkari taruba ita trok tsüngda mohalla clinics 110 aliba nungi 1,000 kümtsütsü, koba ajanga Delhi sorkar hospital tem khuret pungbatsü, ta metetdaktsü.
Jain-i ashiba agi, tesüiba küm ka tsüngda Delhi sorkar hospital tem nung aliba Out Patient Departments (OPDs) nung patient crore 4 liasü.
Arvind Kejriwal-i aniba AAP sorkarisa tang polyclinics 23 aliba nungi 150 tentettsü sentong lir.