‘Deadpool 2’ nung Zazie Beetz-i tongti shilem agitsü

March 10, 2017 (Agencies): ‘Atlanta’ film nung tongti shilem agila, Zazie Beetz-i ‘Deadpool 2’ nung shilem agitsü. ‘Marvel Comics’ nung ajemdaker 2016 küm yangluba ‘Deadpool’ film tanabuba shilem nung Zazi ya ‘Domino’ ama adoktsü aser lai teka aki mokongshie oset balala arakzüdaktsütettsü.
Iba osang ya kasa film nung tongti shilem agir, German nunger actor, Ryan Reynolds ajanga metetdaktsü.
Arishi küm 40 tain, Reynolds-i iba osang ya Twitter ajanga sangdong.
Jala ana, arishi küm 2 tain, James aser ita pongu tain Ines tebu Reynolds-i kasa osang ya pa indang Instagram nunga metetdaktsü. Reynolds kinungtsü ya Blake Lively lir.
Deadpool ya Tim Miller-i direct asü aser Deadpool 2 ya David Leitch-i direct asütsü sentong lir.
Iba film nung ‘screenwriter’ ya Rhett Reese aser Paul Wernick lir aser tena iba otsü zülu tenzükogo.
Deadpool 2 movie indang osang ya 20th Century Fox ajanga Hugh Jackman indang tasenba movie ‘Logan’ nungi shilem tila kar sauba mapang metetdaktsü.
Deadpool 2 ya kodang sayatsü, anu osang tejangja mali, saka 2018 küm March 2 nung sayatsü südi, ta nisung aikati imlar.