Airbnb-i sen billion $1 aazük

March 10, 2017 (Agencies): Online ajanga takdang mekaa ayuba aser takdang tazüng nüngdakba pur nem taa agüja amshidaktsüba company, Airbnb Inc ajanga sen billion $1 bendenba ajanga iba company indang jenjang ya sen billion $31 kümogo.
Airbnb ajanga parnok indang shishilembaba nung sen million $447.85 bendentetba osang ka tawa metetdaktsü.
Iba company ajanga taoba küm September ita nunga sen million $555 bendentetba osang ka metetdakja liasü.
Airbnb ya alima nung yimti 65,000 dak tema nung amenoka lir aser iba company ya kanga renloka aoba mapang ka lir.
Iba company ajanga nüngdakba nisungtem aser raliwalirtem nem sen talang agi ki aser takdang amshitsü agütsür aser iba company ya maneni tajangzük angutsü imlar, ta company ajanga sangdong ka nung metetdaktsü.