Mirza o Hingis na Canadian Open quarters tongogo

Toronto, August 14 (Agencies): 2015 Wimbledon champions, Sania Mirza aser la den külemi asayala, Martina Hingis nati tang tasayadak Canadian Open tetsür doubles shilem indang quarterfinal asayatsü jenjang yashi Brehostibar nü nguogo.
Mirza aser Hingis nati yashi minute 45 nung points 6-3, 6-2 ngua Germany tsür, Julia Goerges aser Poland tsür, Klaudia Jans-Ignacik na ayong ayonga akok.
Points 91 nungi points 57 ngua takok angur, Mirza aser Hingis nati temaba jenjang nung alir Chinese Taipei tsür, Hao-Ching Chan aser Yung-Jan Chan na den quarterfinal nung ajuruteptsü.