Saina Nehwal World Badminton semifinal-i iogo

Jakarta, August 04 (Agencies): India’er tetsür badminton asayar mongin, Saina Nehwal-i China tsür Wang Yihan madak quarterfinal asaya koka tang tasayadak World Badminton Championship semifinal asayatsü jenjang tanü Hokolbar nü ajangzükogo.
Tan asayamong nung 2 buba jenjang abenla, Saina-i tanü minute 72 nung points 21-15, 19-21, 21-19 ngua 6 buba jenjang nung alila, Wang tsükdaktsü.
Tanü takok anguba densema world championship quarterfinal nung tan agi 7 benbuba atema shilem agitsü jenjang angula, Saina-i tan mezüngsüa world championship semifinal nung shilem agitsü jenjang angur lir.
Saina-i Indonesia tsür Lindaweni Fanetri den semifinal asüng, Honibar nü asayatsü lemzükogo.
Fanetri-ia tanü points 14-21, 22-10, 21-12 ngua Chinese Taipei tsür, Tai Tzu Ying madak quarterfinal asaya akok.
Tanabuba semfinal asaya nung tetsür world champion aser tan asayamong nung 1 buba jenjang abenla, Spain tsür Carolina Marin aser PV Sindhu tsükdaktsüla, Korea tsür, Sung Ji Hyun nati shilem agitsü jenjang nguogo.