BSNL-i cable operator tem den longjemer broadband service agütsütsü

Karimnagar, March 11 (Agencies): Nüburtem nem ‘broadband service’ agütsütsü asoshi Telangana nung ‘Bharat Sanchar Nigam Limited (BSNL)’ aser cable operator tem yakta sendakteptsü.
“Onoki Warangal district nung onok indang broadband service aser ‘local cable operator’ tem den sendaktepogo. 2017 May tashi nungbo onoki Karimnagar nung aliba cable operator-tem den sendakteptsü,” ta BSNL AP Circle Chief General Manager L Anantharam-i osangbenertem dang tanü ashi.
“BSNL-i ‘cable operator’ tem nem parnok mapa achaayangba aser osettsüset aser tanga tenüngdakbatem agütsütsü. Parnok-i ‘cable television’ agütsütsü aser onoki landline, broadband aser voice calls nüburtem nem agütsütsü,” ta pai ashi.
“NGN (Next Generation Network) exchange nung line 4,000 Karimnagar nung exchange asem tashi nung exchange technology tasen agi melenogo,” ta ketdangseri ashi.
“Iba ajanga landline amshirtem nem IP Centrex, video calling, group video conferencing facility tem agütsütsü,” ta paisa ashi.
March 15 tashi nungbo Karimnagar nung Wi-Fi hotspot 20 tashi lapoktsü, ta Chief General Manager-i ashi.
Prepaid connection tasenba indang osang agütsüa, pai ashiba agi, BSNL prepaid service amshir tasen 96,650 bendenlokogo, aser iba ita tatemibo lakh ka süitsü.