XJohn Cena ‘Daddy’s Home 2’ film nung shilem agitsü

Los Angeles, March 11 (Agencies) : Wrestling star aser actor John Cena-a tang tangoktsü aliba comedy film “Daddy’s Home 2″ nung shilem agitsü.
Iba film ya memunui Boston nungi tenzüka tangoktsü aser taküm November 10 nungbosa sayatsü, ta Hollywood osang ka ajanga ashi.
Cena-i 2015 küm Daddy’s Home” film nung shilem tilaka agia liasü, ajisüaka tangbo tongtibang shilem ka agitsü.
Pai iba film nung Will Ferrell aser Mark Wahlberg na den külemi shilem agitsü.
Tang tangutsü aliba film nung tebu shilem balala ana angutsü – ka kanga tesashi aser ka kanga temulung tanük.
Kasa film nung tambur shilema kar angutsü aser item shilemtemji Mel Gibson aser John Lithgow nati agitsü.
Cena ya tang WWE nung tongtibangtiba sentong, Wrestlemania 33 asoshi renemshiba mapang ka lir. Iba sentong taruba ita tetenzüklen akatsü renema lir.