28 buba Nagaland State Taekwondo C’ship tenzükogo

Kohima kübok Indira Gandhi Stadium nung tasayadak 28 buba Nagaland State Taekwondo Championship nung shilem agir anati toktepa shilem agiba noksa ka yangi angur. (Kohima, August 14)

Kohima, August 14 (TYO): 28 buba Nagaland State Taekwondo Championship tanü Hokolbar nü nungi tenzüka Kohima kübok Indira Gandhi Stadium nung asayatsü tenzükogo.
Tan asayamong nung Nagaland kübok densemba district 7 nungi tebur 115 aser tetsür 40 densema ajak agi asayar 155-i sub-junior, junior aser senior densema shilem 3 tashi lemsar takok marok angutsü asoshi asayatsü tenzüka lir.
“Shilem shia nung temaba jenjang 3 angur nem kuli kaket aser medal agütsü saka shilem shia nung gold medal angur 3-i dang Nagaland state tenüng nung national sabang nung shilem agitsü maongkabo angutsü,” ta General Secretary, Nagaland Taekwondo Association, Lhouliebei-o Khezhie-i tanü metetdaktsü.
Sub-junior shilem indang national championship taruba September ita Hyderabad nung aser junior national championship taküm October ita Vishakhapatnam nung asayatsü ayonga lir.
Ano, senior national championship-a taküm November ita Punjab nung asayatsü ayongogo.