‘Avatar’ film tanabuba ano menur

Los Angeles, March 11 (Agencies) : “Avatar” film indang tanabuba shilem ano maneni sota atar, ta iba film direct asüsang James Cameron-i metetdaktsü.
“2018 nunga majungtsü… Onoki ano iba film sayatsü anogo tejangja memetetdaktsü,” ta Cameron-i osangbenertem den jembiba mapang metetdaktsü.
Kechiba iba film asoshi mapang talila nüngdaker ibaji rasaa ashiba mapang pai, “Nüburtemi iba film ya shilem lemsar yangluba film ka lir ta angatettsüla. Anungji onoki Avatar 2 meyanglur saka onoki Avatar 2, 3, 4, aser 5 tem yanglur. Ibai otsü talangka mesüka lir,” ta ashi.
2009 küm tangokba Avatar film dak ajemdaker Ubisoft-i video game tasen ka adoka lir. Ubisoft ya Cameron’er studio den tesendaktep yur video game yangluba company ka lir.
Iba company yagi iba film shilem balala den apet video tem nüburtem jangratemdaktsütsüsa yanglutsü imla atar.