8buba Silver Cup T-20 asayamung nung team 22-i shilem agitsü

Kohima, March 11 (Agencies) : Taruba hopta nung asayatsü 8buba Silver Cup T20 asayamung nung team 22-i shilem agitsü. Iba asayamung ya “Peace and unity through cricket” omen nung ajemdaker Nepali Baptist Church Kohima Youth Department-i ayonga akatsü.
8buba Silver Cup T20 asayamung ya March 13 nungi 25, 2017 tashi Jakhama Local Ground, Jakhama, Kohima nung asayatsü.
Asayamung nung shilem agitsüpurji, Diphu (Assam) aser Shillong (Meghalaya) teloktem den Nagaland nungi telok 20 lir. Nagaland nungi telok 20 ji Dimapur nungi 2, Wokha nungi 1 aser Kohima nungi team 17 lir.
Public health Engineering Department nung Chief Engineer, Er Kevisekho Kruse Tongti tesemdanger süa March 13 anepdang 11:00 ako nung iba asayamung sentong lapoktsütsü. Sentong nung Nagaland Football Coaches Association nung Tir & AFC ‘B’ License alisang Roko Angami tetushi tejaoker asütsü.
Iba asayamung tenzüknü mezüng asaya Lower Bayavü Giants aser Silver White team na tsüngda asayatsü.
Asayamung nung takok angur telok nem sen 80,000 senpet agütsütsü aser tanabuba telok nem sen 40,000 agütsütsü . Iba team anaprong nem running trophy kaka den kuli kaket aser medal tem dena agütsütsü.
Semi-final asayatem nung tamakok agur teloktem nem sen meyirjang pungugu (5,000 each) senpet agütsütsü.
Player of the Tournament nem sen 5,000, Best Wicket keeper, runs timba yangluteter aser wicket timtiba agitetertem nema sen meyirjang asemsem (3,000 each) senpet agütsütsü.
Iba daka alaka ano Emerging Player nema sen 1,000 senpet agütsütsü renema lir.