Manipur nung NPF candidate tem tenüng asanger

Dimapur, March 11 (TYO) : Manipur assembly election nung NPF nübotemi constituency pezü nung takok anguba atema Naga People’s Front, Central Office-i Nagaland nung party züngsemtem aser talisa Manipur State nung vote agütsürtem dang pelaba metetdaktsüogo.
NPF Central office-isa Nagaland Minister in charge of NPF Manipur State Unit, Yitachu dang kanga dang pelaba shisemer. Northeast nungi Congress party agientsü atema tenangzükba nungi masetshir aser Manipur nung non-Congress teloktep mashii ka den NPF-i yariteptsü nangzüker, ta President, Dr Shürhozelie Liezietsu-i sangdong nung shia lir.